Ou vle kreye yon nouvo fowòm ? Mèsi paske w ap pran yon ti tan pou w byen li sa ki ekri la a yo.
Isit la, sou Chemen KONESANS, fowòm yo se espas ki konsakre sèlman pou deba, pwomosyon konesans
syantifik, refleksyon kritik ak pou pataje konesans. Nan fowòm yo, tout moun ka patisipe pou ekprime lide yo nan echanj k ap fèt
sou tout kalte sijè. Moun ki enterese yo, yo poze kesyon, eksprime epi defann lide yo, nan respè youn pou lòt, pandan y ap bay bon jan agiman.
Yon moun ki vle kreye yon fowòm, li dwe metrize sijè li vle trete avèk piblik la. Li jwe wòl yon administratè,
animatè oswa moderatè qui dwe kapab pote limyè nan echanj ak deba k ap fèt yo. Moun ki enterese a sijè k ap trete nan yon fowòm, yo patisipe
pou pataje opinyon yo, konesans ak eksperyans yo, men yo patisipe tou pou yo aprann. Se poutèt sa administratè yon fowòm dwe metrize sijè li
vle trete a.
Li dwe asire l li di sa ki vrè, ki lojik, ki koeran ; li dwe avanse fè moun ka obsève epi demontre. Pou li
reponn kòmantè ak kesyon yo, li dwe avanse pwopo ki chita sou prèv anpirik oswa/epi teori syantifik ki valab.
Moderatè yon fowòm dwe site sous li kòrèkteman, pandan li presize non otè yo, tit èv yo, ane èv la parèt
(dat egzat la, nan kèk ka), e menm peyi oswa vil kote èv la pibliye a. Li dwe presize ki tip piblikasyon li ye (pa egzanp, si se yon atik
syanstifik oubyen yon atik nan laprès) Anplis, moderatè a dwe evalye epi kritike sous li yo pou l wè si yo ase pètinan avan li site yo nan
fowòm nan. Moderatè a dwe asire l li idantifye kèk resous (referans) pou l bay piblik ki enterese a fowòm li an, pou l ede moun ki ta vle
apwofondi konesans yo sou kèk aspè nan fowòm nan. Si sa posib pou li, li pèmèt resous sa yo vin aksesib (li patajje lyen yo, lè sa posib),
yon fason pou tout moun ki vle ka al konsilte yo.
Anplis, moderatè a dwe evalye epi kritike sous li yo pou l wè si yo ase pètinan avan li site yo nan
fowòm nan. Moderatè a dwe asire l li idantifye kèk resous (referans) pou l bay piblik ki enterese a fowòm li an, pou l ede moun ki ta vle
apwofondi konesans yo sou kèk aspè nan fowòm nan. Si sa posib pou li, li pèmèt resous sa yo vin aksesib (li patajje lyen yo, lè sa posib),
yon fason pou tout moun ki vle ka al konsilte yo.
Chemen KONESANS pran yon delè rezonab pou l analize epi evalye demand pou kreye yon fowòm. Nou bay tèt nou
dwa pou nou pa valide yon demand pou kreye yon fowòm ki pa respekte kritè nou fikse la a yo.
Pwotokòl etik ki mache ak fowòm yo
Tout animatè oswa moderatè yon fowòm dwe respekte kèk prendip etik ki se pote mitan nan relasyon Chemen KONESANS
devlope ak piblik la. Prensip sa yo chita dabò sou kèk valè tankou laverite, pwobite, lespri kritik, pa nan paspouki, respè san kondisyon pou
diyite moun, elatriye. Sou baz sa a, moderatè fowòm nan pran angajman pou li pa fè difamasyon sou moun, pou li pa gen okenn konpòtman ki denigre
moun, ni estigmatize moun, ni rabese moun.
Nan fason l ap echanje ak piblik la, animatè a montre li respekte moun, li genyen pwobite entèlektyèl, rekil kritik,
pridans ak imilite. Li fè prèv konpreyansyon ak tanperans fas a yon moun ki gen difikilte pou l metrize kèk nosyon oswa kèk nyans ki itil pou ede
konprann yon fè, yon atitid oubyen yon sitiyasyon.
Animatè fowòm nan montre li dispoze pou l konprann yon moun kapab pa konprann yon bagay. Li montre li gen sanfwa
ak tolerans fas a opinyon ak agiman kontrè piblik la ka genyen.
Kèlkeswa jan sa ye a, okenn moderatè fowòm pa gen dwa fè diskriminasyon, ni nan sa l ap di, ni nan atitid li,
kèlkeswa lang moun nan pale, sèks li, koulè po li, orijin li, oryantasyon seksyèl li, relijyon li, konviksyon politik li, kondisyon sosyal li,
kote li abite, elatriye. Nan fowòm nan, li fòmèlman entèdi pou moun ap devalorize moun, pale moun mal.
Nan fowòm nan, li fòmèlman entèdi pou moun ap devalorize moun, pale moun mal.
Fowòm nan se pa yon kote pou moun vin fè pwomosyon konviksyon politik yo, joure/denigre yon moun oswa yon
gwoup moun, ni pou fè louwanj pou yon moun. Moderatè a gen devwa pou l fè rezèv sou konviksyon politik, kwayans li, vi prive l, elatriye.
Li pa gen dwa pwofite de fowòm nan pou li fè kanpay politik an favè kèlkeswa moun nan.
Moderatè a dwe asire l sa li di nan fowòm nan chita sou sa tout moun ka obsève, opinyon, atitid ak
konpòtman yon moun oubyen yon gwoup moun, e non pa sou patikilarite moun sa a oubyen gwoup sa a (karakteristik fizik owa sikolojik, vi
prive, elatriye)
Chemen KONESANS kwape tout pwopo rayisman, tout atak pèsonèl kont yon moun oswa yon gwoup moun, tout ti dife
boule pou ankouraje vyolans.
Chemen KONESANS bay tèt li dwa pou l sispann pwovizwaman oswa definitivman, tout fowòm moderatè li ta
enplike nan yon eskandal piblik. Si se yon fowòm ki gen plizyè moderatè, moun non l site nan eskandal piblik la, se li k ap fè yon kanpe
pwovizwaman oswa definitivman sou aktivite l nan fowòm nan.
Chemen KONESANS bay tèt li dwa pou li sispann, pwovizwaman oswa definitivman, tout fowòm moderatè l pa
respekte prensip etik fondamantal sa yo.
