Pou ou vin devni yon fòmatè oswa fòmatèz, ou dwe li epi aksepte tèm ak kondisyon sa yo. Depi w klike sou “Aksepte”, otomatikman ou rekonèt ou te li, ou dakò epi ou siyen tèm ak kondisyon sa yo.

Lè w fin aksepte tèm ak kondisyon yo, w ap gen pou w soumèt nou CV ou, pou nou kapab analize l. Si nou twouve sa nesesè, n ap gen pou nou kontakte w pou nou kapab verifye epi apwofondi avè w sa ki nan CV w la

Lè nou fin analize CV a, n ap valide pwofil ou antanke fòmatè, se lè sa a w ap kapab kòmanse afiche fòmasyon ou konte ofri yo.

Si pwofil ou antanke fòmatè pa valide nan yon dèle 10 jou, se paske CV ou a pa sanble li pètinan ase, parapò ak nivo epi kalite fòmasyon nou rann aksesib sou platfòm nan.

Sa ka rive ou genyen yon CV ki trè pètinan e enteresan men ki pa kadre ak fòmasyon ou konte ofri a.

Yon fòmatè se sèl responsab kalite kontni fòmasyon l ap mete sou Chemen KONESANS, ak metòd li chwazi itilize pou l kapab fè moun k ap aprann yo byen konprann fasilman.

Pou nenpòt fòmasyon ki afiche a, yon fòmatè oblije respekte yon pakèt prensip ki fondamantal.: respè moun k ap aprann yo san kondisyon, respè total de sa ki anonse yo (kontni fòmasyon an, metòd, orè, elatriye.)

Si gen yon chanjman ki dwe fèt, fòmatè a dwe enfòme moun k ap aprann yo atan.

Chemen KONESANS pa p tolere okenn mank respè pou moun k ap aprann yo, ni okenn fòm diskriminasyon baze sou ras, orijin etnik, sou jan, sou oryantasyon seksyèl, sou andikap, sou kondisyon sosyal, elatriye.

Chemen KONESANS mete adispozisyon tout moun yon fòmilè evalyasyon pou yo ranpli, yon fason pou yo kapab di kisa yo panse de yon fòmasyon yo te swiv.

Fòmilè sa a se yon zouti efikas k ap pèmèt nou genyen yon lide sou fason chak fòmasyon dewoule.

Chemen KONESANS bay tèt li dwa pou li kanpe pwovizwaman oswa definitivman yon fòmasyon ki gen plenyen/plent oubyen plizyè evalyasyon ki negatif.

Nan ka yon fòmasyon ki fè plenyen/plent oubyen evalyasyon negatif ki repete anpil, nan yon premye tan, n ap kontakte fòmatè a oswa fòmatèz la pou nou pale de sa ak li, pou li kapab korije oswa amelyore sa. Si pwoblèm nan pèsiste, n ap pase nan yon premye faz kote n ap kanpe fòmasyon an pwovizwaman pandan yon peryòd tan ki ka dire selon gravite pwoblèm nan. Dezyèm faz la, se kote n ap kanpe fòmasyon an definitivman.

Se fòmatè a ki fikse pri fòmasyon li ofri a.

Chak fwa genyen yon fòmasyon ki vann, Chemen KONESANS ap kenbe yon pousatanj 19% nan montan an. Yon enskripsyon nan yon fòmasyon konsidere kòm yon vant.

Lè yon moun achte yon fòmasyon, Chemen KONESANS ap resevwa tout lajan sa koute a, epi l ap bay fòmatè a 81 % nan montan an. Se chak mwa, fòmatè a ap resevwa yon montan ki egal a 81 % de montan total tout vant ki fèt pou fòmasyon li ofri yo.

Fòmatè a oswa fòmatèz la ap resevwa pèyman li sou yon kont bankè l ap gen pou li ban nou. Li enpòtan pou li ban nou yon kont bankè ki ba li posiblite pou l resevwa viman entènasyonal.

Tout fòmatè ak fòmatèz oblije respekte tèm ak kondisyon sa yo alalèt.